फलेबासका शिक्षक जैमिनीमा मृत फेला

माघ २०, पर्वत । पर्वत जिल्लाको फलेवास नगरपालिका घर भई बागलुङको जैमिनी नगरपालिका– ८ स्थित सरस्वती आधारभूत विद्यालयका शिक्षक दुर्गा बहादुर राना आइतबार मृत अवस्थामा फेला फेला परेका छन । उनी बागलुङ जिल्लाको जैमिनी नगरपालिका–८ भडकुवामा मृत अवस्थामा फेला परेको जिल्ला प्रहरी कार्यालय बागलुङले जनाएको छ ।

शिक्षण पेशकाका लागि जैमिनीमा डेरा गरी बस्ने ५५ वर्षीय राना माघ १७ गते पर्वत घरबाट अध्यापनका लागि जैमिनी आएपछि सम्पर्क्विहिन थिए । जिल्ला प्रहरी कार्यालय बागलुङका प्रहरी प्रमुख नवराज भट्टका अनुसार उनको शव सडक देखि केही तल बारीको कुनामा फेला परेको हो । शिक्षकको मृत्यु कसरी भयो भन्ने विषयमा अनुसन्धान भइरहेको छ।

धौलागिरी अञ्चल अस्पताल बागलुङमा शवको पोष्टमार्टम गरेपछि पछी आफन्तको जिम्मा लगाईने प्रहरीले जनाएको छ ।

प्रकाशित मिति २० माघ २०७६, सोमबार १४:३८