कोरोना संक्रमितको संख्या १ लाख नाघ्यो, आज २०५९ मा पुष्टि

असोज २३, पर्वत । पछिल्लो २४ घण्टामा नेपालमा थप २ हजार ५९ जनामा कोरोना सङ्क्रमण पुष्टि भएको छ ।

देशका विभिन्न प्रयोगशालामा विगत २४ घण्टामा १३ हजार २७९ जनाको पिसिआर परीक्षण गरिएकोमा २०५९ जनामा कोरोना पुष्टि स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले जानकारी दिए । योसँगै कूल सङ्क्रमितको सङ्ख्या १ लाख ६७६ पुगेको छ ।

त्यसैगरी पछिल्लो २४ घण्टामा १ हजार ६८० जना कोरोनालाई जितेर घर फर्किएको जानकारी दिए । यो सँगै घर फर्किनेको सङ्ख्या ७३ हजार २३ पुगेको छ । हाल देशभर २७ हजार ५३ जना सक्रिय सङ्क्रमित रहेका छन् । हाल ४ हजार ७०३ जना संक्रमित क्वारेन्टिनमा रहेका छन् ।

कोरोना भाइरसको सङ्क्रमणबाट पछिल्लो २४ घण्टामा थप १० जनाको मृत्यु भएको छ ।

मृत्यु हुनेमा ९ पुरुष र १ जना महिला रहेका छन् । योसँगै नेपालमा कोरोना भाइरसको सङ्क्रमणबाट मृत्यु हुनेको सङ्ख्या ६०० पुगेको छ 

प्रकाशित मिति २३ आश्विन २०७७, शुक्रबार ११:४४